Zëvendës ministri i punëve të jashtme nga radhët e LDK-së përmes një statusi në rrjetin social Facebook e ka komentuar rrëzimin e Qeverisë. shkruan Arbresh.info.

Ai ka thënë se LDK-ja  ka treguar që është e mundur të punosh pa qenë i korruptuar.

“Kemi treguar që është e mundur të punosh në qeveri pa qenë korruptuar”, ka thënë Murtezaj

Më poshtë mundë ta lexoni statusin e plotë të tij :

Ka qenë përvojë e jashtëzakonshme.
Mundësi për ti dhënë vendit tonë Kosovës kontributin në rritje dhe zhvillim.
Kemi treguar që është e mundur të punosh në qeveri pa qenë korruptuar.
Për këtë ndjehem mirë, dhe i qetë.

Ndjehem i nderuar për këtë mundësi që më është dhënë, dhe falënderoj Kryeministrin z. Isa Mustafa për gjithë përkrahjen e tij. Gjatë gjithë kohës, komunikimi me Kryeministrin ka qenë komunikimi me i lehtë i mundshëm. Në të gjitha takimet interesi i Kosovës ka qenë synimi i vetëm dhe interesi që ka mbizotëruar. Nga përvoja me Kryeministrin mund të them që Kryeministri Mustafa është njeri serioz, i palodhshëm, pedant në punën e tij, dhe njeri që di të respektoje bashkëpunëtorët, dhe mbi të gjitha interesat e vendit.

Tani udhë të reja na presin përpara.
LDK-ja është e fortë.
LDK-ja, mban mbi shpatullat e veta historinë e lavdishme të Kosovës së re e të pavarur.
LDK-ja e Ibrahim Rugovës këtu do të jetë, sa të jetë Kosova. Sepse ka rrënjët thellë në popullin e madh të Kosovës.
Faleminderit të gjithëve për përkrahjen dhe motivimin.
Së shpejti, bashkë do të fitojmë./Arbresh.info/